百味 (已結業)

呢餐系睇show前嘅晚餐，全因想食酸菜鱼但又想casual啲咁食，装修似高级少少嘅茶记，坐得舒服嘅!! 🔘酸菜鲈鱼锅(细) 可以order细份嘅酸菜鱼实在太好，鱼肉份量唔少都几嫰，仲有薯粉同芽菜等配料，食完个口有少少麻，我哋冇特别拣辣度，呢个程度嘅辣对我来讲啱啱好!! 🔘山楂猪手 味道有啲似猪脚姜醋😂，朋友讲笑话冇牙老人家都食到，煮到超级软，个汁杰身，酸酸地几开胃，一咬就feel到满满嘅骨胶原!! 🔘慢煮牛肋条 🔘魔鬼牛杂 呢两个𩠌个汁有啲相似，牛杂以牛肚为主，煮得几入味，两个都系偏重口味，配菜有白萝卜同埋冬菇丝，见到有家佣姐姐落嚟加𩠌都系买外卖牛杂，同侍应姐姐鸡同鸭讲场面搞笑，最后要打电话俾mum先搞得掂，街坊食咩我食咩实冇死!! 😊🔘咸鱼酱炒芥兰 好有咸鱼香味，但又唔会过咸，芥兰冇渣有少少芥兰正常嘅苦味，最怕炒菜成碟油，呢度冇咁嘅情况!!