麻辣Doi (已結業)

呢排天气热热地，会想食d酸酸辣辣既野食开下胃。今晚黎左元朗呢间麻辣doi…睇见个名就知系食惹味酸辣菜啦。睇过餐牌，有好多惹味小炒，大大锅既水煮，酸菜鱼，凉拌，小食等等，都几多唔同选选。先讲一讲呢个例牌size既酸菜鱼，虽然是例牌，但份量都唔少架，入面有好多鱼肉片。鱼肉啖啖肉好好味。仲要配埋个酸菜底，酸酸辣辣咁超惹味。辣度都有得拣微辣、少辣、大辣。任君选择。由于我怕太辣，所以呢次拣左微辣。带少少微辣惹味。酸菜鱼内仲有好多豆卜，超入味好正，好juicy…之后呢仲有薯粉系入面，呢个锅好抵食又饱肚。鱼肉份量好多，仲有好够份量既薯粉，薯粉爽口弹牙，仲带酸酸辣辣，超好味。除外，呢份凉拌贵妃鸡都不错。鸡肉啖啖肉，同埋好嫩滑，鸡肉又滑又好味，清清地，又冻冻地既前菜，好好味好开胃。仲有呢碟回锅肉都超惹味，香香辣辣，入面好多料，有回锅肉、豆腐干、菜等等，啖啖都好香好惹味。一流。仲点多碗清汤米线，清一清个口，好好味。米线弹牙爽口，清汤底鲜甜，岩岩既野食火辣辣，食返几啖清汤米线，淡一淡个口，唔错。