榮哥煮場 (已結業)

呢間榮哥煮場係旺角，非常易搵，今日就食佐佢地既二人餐$298，超飽！🫢招牌酸菜魚煲二人餐入面既主要煲類，一個煲份量都好大，魚片好多，係鮮魚片，魚肉結實而爽嫩，口感好爽嫩，配料就有好多酸菜芽菜同菇，湯底酸得黎都飲得出陣清香味😽而且亦好貼心係上枱果陣有個爐可以一邊食一邊熱住，唔怕會食到凍晒👍🏻薑蔥霸王雞二人餐入面既小菜，上枱果陣見到果份量真係嚇親，有成半隻雞咁多，雞肉咸香鮮味，唔會鞋口，肉質幾嫩，更加有大量我最愛既薑蔥😻果汁唔會太咸，啲雞食果陣再點下啲汁就更加香啦，送飯一流👏🏻二人餐仲會有一個前菜，兩碗白飯，飲品/甜品。佢地既甜品幾有驚喜架，楊枝甘露幾清香，酸酸地甜甜地，仲有芒果爆珠添🖖🏻