七月烤魚 (已結業)

今天行过将军澳新都城，见到间烤鱼店，做紧七月特价，全埸七折，门口已经闻到香喷喷，唔使谂，一于入去开餐😜餐厅装修好靓，座位宽阔，坐得舒服，店员有礼貌🧑‍💼餐厅好多嘢食，有烤鱼，有串烧，仲有生蚝和扇贝….谂咗好耐，原来有个四人套餐，乜都有得食，咁就好啦，就决定食呢个四人套餐：酱香豆豉青江鱼～鱼肉嫩滑，加埋特制酱汁豆豉，非常之夹👍蒜蓉烧扇贝～蒜蓉香，扇贝鲜👏串烧牛肉串，羊肉串，牛舌串，烧得啱啱好，又唔干，超正🤗串烧豆皮，串烧韭菜，串烧鸡中翼，串烧五花腩，全部都是水准之作😚还有芥末凉拌秋葵、香辣韭菜鸭血、葱油拌面，都好好食😌还有四杯夏天特饮，饮落去，真系透心凉🍹☃️总括嚟讲：这间餐厅，真系有好多嘢食，食饭和倾偈，不错的选择，而家生啤仲做紧买一送一，钟意饮啤酒嘅朋友，真系唔好错过😄