丁丁烤魚

营业中

休息中

丁丁烤鱼经过见到餐厅有8.8折即刻入咗去食。坐低睇吓menu 有我最爱吃既田鸡。决定了叫个田鸡鸡煲吃。田鸡鸡煲到了，店员帮我哋捞埋一齐嚟食就会更好味。田鸡腿肉大食落大大啖肉，鲜嫩肉弹口。配上惹味既配料好好味。鸡肉一样咁嫩滑惹味。手切本地吊龙吊龙即系牛既背脊内侧部位。店长极度推介呢款骟牯牛，肉身丰满湿润。食落口感细致嫩滑，果然无介绍错。叫咗啲串烧食，餐厅主打即叫即烧。够哂新鲜热辣。串烧拼盘有羊肉串/鸡肉/猪颈肉各2 串再加咗三文鱼鳍，串烧好惹味，放系个炉上面保持热度，慢慢叹都唔怕涷哂。泰式烧原只鱿鱼烤到金黄色，再配上酱汁开胃又滋味。