尚上下夏 - 養生雞煲火鍋 (已結業)

疫情搞咗咁耐，终于都放宽夜晚堂食了，当然同班fd 去打边炉烚吓烚吓，今次我哋拣咗山林道嘅打边炉，喺佐敦地铁站一出就行几分钟就到，非常方便，好彩我哋订咗位，去到已经全场爆满。首先我哋拣咗个鸡煲先，佢呢度好体贴，有得拣全鸡髀or全只鸡，可以俾啲唔钟意食有骨嘅人拣净鸡髀又可以劲滑。我哋拣咗半只鸡，鸡嫩滑都系其次，最好味系个汁，个汁非常之惹味，仲有猪皮俾你吸晒啲鸡汁嘅味道，又到我最钟意食嘅芫荽洋葱做配料，真系不得之了。之后我哋打边炉，拣咗鬼马墨鱼，职员好贴心咁提我地要渌1分钟就够，墨鱼嘅弹牙配埋油炸鬼，油炸鬼仲索晒啲汤，真系好有惊喜。另外嗌咗安格斯牛肉，牛肉片非常香牛味，另外着响铃亦都系啱啱炸起，放落去吸晒啲精华，另外我哋嗌咗个四宝丸，有墨鱼丸猪肉丸虾丸同鲮鱼丸，唔知啲丸系咪真系佢哋手打，但粒粒都好大牙，尤其墨鱼丸真系有墨鱼味，唔系讲笑，最后觉得唔够喉，叫多个韭菜猪肉饺，粒粒都咁大粒，馅料非常丰富，猪肉同韭菜嘅分部得好平均，唔会净系好似食到劲多肉咁，对于困咗咁耐冇得堂食嚟讲，呢餐真系非常之丰富。