雞翼山 (T.O.P This is Our Place)

营业中

休息中

今日喺旺角行街，行到旺角中心附近开始有啲肚饿，即刻上OpenRice望吓附近有咩食。见到有一间转系食鸡翼嘅餐厅都几吸引所以去试吓。鸡翼山，餐厅地方唔大主打系做外卖，但系都有张吧枱可以堂食。主打嘅鸡翼有九款味道选择，仲有好多唔同嘅饮品套餐任你配搭。黑松露武士鸡翼，鸡翼外面有啲黑松露粉食落去味道都几香，黑松露同鸡味非常配搭，鸡翼做到好多汁，肉质仲系好嫩滑。樱花虾虾酱鸡翼，樱花虾细细粒望落去都几靓，入口有虾嘅香味，加上樱花虾入口都几有口感，味道配搭得几好。文青风玫瑰鸡翼，三个味道呢个味道最正，鸡翼上面有少少蜜糖，香草玫瑰花瓣碎，食落去有淡淡的清香再到鸡翼肉香。味道好有层次，清甜得来又有口感。鸡翼做得好出色，每一只都好饱满。一人餐B餐，温泉蛋洋葱鸡翼，甜街辣鸡软骨，唐扬虾，温泉蛋好吸引，食落去有等阵嘅蛋香，鸡软骨加埋个芥辣酱食味道好突出。最后点咗杯百里香番石榴抹香绿茶，番石榴绿茶味道好清新，最特别系有百里香嘅清香味。又清凉又解渴。仲要好好饮。