Foodbox (海光街) (已結業)

除咗上次介绍嘅秋子岛，同一条街有另一间名为 foodbox嘅韩式餐厅，同样主打定食，呢间味道啱我口味多啲，所以短时间就食咗两次。不过最唔好系中间有落场时间，所以唔可以太晏出发。猪肉泡菜锅 $70韩式小锅直接上桌，香味扑鼻，够哂地道。有泡菜、猪肉、豆腐，汤头又热又惹味，推介！海鲜豆腐汤 $70另一款热焫焫推介，豆腐和泡菜以外，有少少海鲜，包括：八爪鱼仔、蚬、虾等等，最开心系有只鸡蛋，半生熟捞饭超正。牛肋骨汤 $95汤底清甜，牛肋骨又煮至软腍，唔想食辣嘅另一个选择。年糕饺子汤 $70淀粉配淀粉嘅好选择，年糕煮得刚刚好，唔会好似擦子胶，食完好饱肚。