新麻蒲 BBQ (形點) (已結業)

虽然近日市道受到社会气氛影响，但都唔阻周围去发掘美食地方。今次就去到元朗YOHO mall一间韩国烧烤 - 新蒲烧bbq餐厅，因为坐落大型商场嘅関系，可以好舒服咁shopping 完就找到一间地方舒适地方医肚。大大个门口，侧面仲有显示屏将推介资讯提供，睇到有个「韩国水原夏日三食套餐」，标榜京畿道水原牛肉，出名以嫩口闻名，一于试下系咪货真价实⋯⋯地方阔落，环境空间够大，亦都有韩国嘅前菜小食有泡菜、萝卜丝海带丝，主菜就系个水源牛肉里面有三款不同部位，分别有牛仔骨，但系并不是常见既薄切方法，系以长形切割，可以清楚见到一条骨连一大片肉，另一部份系霜降牛肉以及牛肋排。三款不同口味，霜降牛肉烧出来充満油香，食落美味嫩滑。至于牛肋排充满咬口、肉质爽嫩。牛仔骨就更加美味，连接骨头一起烧起来更加香气四溢。除左食物有水准外，更值得一赞就系场地唔会周围油烟味，因为每一张枱都有一个独立嘅抽气而且10分强劲，所以食完后都唔会成身油烟味离开。整体十分满意，下次一定是去其他一个特色嘅牛肉拼盘。