뽀끼 正宗韓國小食 (已結業)

今日同朋友黎到呢间店铺细细，但却有劲多韩式美食嘅Bbokki, bbokki 读音好可爱，好易记。望住餐牌，全部都好吸引，样样都好想试，但食唔哂咁多，所以我地只叫左好几样，当然有我最爱嘅炒粉丝，呢d粉丝唔同于本地嘅果种粉丝，呢种味系好特别，成个酱都好好味，味道适中。中有星星炸鸡，4粒好似星球咁大粒嘅炸鸡比酱包围住，鸡肉肉质嫩滑皮超级脆，酱汁劲爆juicy，同炸鸡衬到绝，中可以解腻嘅感觉，份量同朋友share岩岩好。呢个粉丝卷系紫菜包住粉丝再拎去炸嘅小食，配上年糕专用嘅酱汁再一齐食，口感佳而且味道好。芝士条，入面嘅芝士可以拉到好长好长，软绵绵，炸得又香又脆，个酱汁都好好味，店员中贴心咁话比我地知要食左呢个先，如果唔系芝士就会变硬，口感会无咁好。鱼肉年糕卷系一大条年糕比鱼肉卷住，年糕烟烟韧韧，有嚼劲，鱼肉都好鲜味，配埋酱汁一齐食先会达到最好味嘅境界。