首首.韓式小館 (已結業)

今日中午接女朋友放工，过左去湾仔食饭。女朋友番工辛苦，男朋友当然要照顾一下佢身体。知道利东街有间高质素韩式餐厅，一早订左位同佢食个lunch！假日都有lunch set供应，我地一人叫左一个餐。前菜和清汤先到，有中华沙律、淮山渍、泡菜。我叫左炒辣鸡肉配年糕，辣度十足，女朋友怕辣食唔到，我觉得好香口好滋味。鸡肉份量多好大年，挂上辣汁，入口香嫩香口，年糕烟韧好有咬口！女朋友叫左传统五色石锅饭，有一只半熟煎鸡蛋，饭粒有饭焦好香口脆卜卜，蔬菜份量好多！我地最后叫左一客雪糕，加上焦糖酱和果仁，超滋味。