越味皇 (已結業)

老公生日翌日，陪佢撑下枱脚，拣左佢钟意食既东南亚餐-越南野。呢度8点都仍然满坐，不过只系等左一阵就安排到位，侍应好爽手做野好快👍🏻野食方面我地叫左个柚子鲜虾沙律，原来都有D🌶，老公唔系太食得🌶，但都话🌶得黎好味，好多大大旧柚子（见下图），两只虾亦好新鲜弹牙👍🏻第二叫左串烧，因为得2个人，少少地叫一份好啦！牛肉串烧得好好，一D都唔干，仲好入味，个沙爹酱都好味👍🏻第三叫左炸软壳蟹，好大只🦀，有时食到果d真系好瘦小，呢味啖啖肉好正，炸粉亦好薄，好好味👍🏻第四叫左个咖哩牛腩煲，配左个用好得意既鸭鸭篮装住既法包（好钟意个篮），牛腩份量好多，咖哩唔🌶好香，块包系一般食店一倍厚，所以饱得滞食唔哂d包🤦🏻‍♀️最后上既系小食拼盘，有鸡翼，春卷，庶虾，滨海，滨海同鸡翼好普通，一赞系庶虾同春卷，疑似自家制，因为好大件，同一般出面食到既唔系好一样，好好食👍🏻两个人咁食法真系好饱，但庆祝生日就系咁架啦，最后都只系食净一旧旧法包，劲呀👍🏻