美味餃子店

营业中

休息中

同朋友去咗食美味饺子店，汤饺拣咗云耳椰菜肉饺拼白菜肉饺，大小算归一，形状就有啲唔均匀，应该系放汤煮𠮶阵煮到变咗少少形，系非常随意嘅手作感。 饺皮厚薄适中软熟，蔬菜比例较多，我都几钟意呢种菜比肉多嘅饺子，佢嘅调味唔浓但够味，肉馅松化而冇较难咀嚼嘅肥膏，白菜清新讨好，云耳椰菜脆身同较湿润多汁。汤底系野葛菜煲生鱼猪骨汤，都饮到少少鱼香，饮完亦冇口渴感，感觉唔错。 冻豆浆，声称系佢哋自家制作，甜度唔高，豆香唔重，纯粹为解暑。同朋友分别食过煎饺同汤饺，感觉上煎饺比较美味，但就较热气，汤饺就可同时饮汤同相对较健康。