尚鮮海鮮料理

营业中

休息中

呢间餐厅系朋友推介我嘅，佢话食物质素几高，同埋又冇限时限刻！最啱成大班朋友聚会！✨药膳花雕醉难锅有好补血嘅当归，而且鸡嘅份量都几多！✨牛三并雪花牛柳粒/特尚手切牛/本地手切牛😛特尚手切牛雪花非常均匀，接近入口即溶！🤗本地手切牛同雪花牛柳粒，牛肉味好浓郁，都几易入口容易咬开✨黑䐁肉片估唔到猪肉都几好食！同埋唔肥！但系又可以做到唔鞋✨鲜打四宝丸（鲜打牛丸、猪肉丸、墨鱼丸、虾丸）牛丸猪肉丸弹牙多汁墨鱼丸同埋虾丸真材实料食到真正嘅墨鱼胶，同埋虾胶！简直系啖啖肉，唔会好多粉！呢间餐厅啲火锅配料好精致！鲜打四宝丸真系人手打，唔似得出边啲餐厅有啲冇诚意嘅丸好多粉之余，令到自己唔知食紧咩味又有雪味！✨双饺子🤗木耳鲜虾云吞😚西洋菜香菇猪肉饺都算系皮好薄！馅料好丰富😍😍 鲜虾云吞感觉好新鲜，因为唔会有好多胡椒味覆盖！✨田园盛啲蔬菜好新鲜，好精致！一啲黑点都冇，而且粟米蕃茄都好甜！✨脆鲩鱼片份量超级多！以为下边铺左好多菜，点知原来系大量鲩鱼片！呢间餐厅啲嘢食都几高质，而且服务态度一流