鮮魚湯 (美樂花園商場) (已結業)

今日谂住同朋友出屯门码头搭船，见有饿饿地，一于揾下有咩好食啦！见到有间叫鲜鱼汤，好似几吸引咁。好，坐低睇下有咩好食先。鲜鱼汤美味锅米线，蕃茄汤饮落几鲜甜，唔系饮落好假𠮶种。米线弹牙滑身，鸡肉调味刚刚好，入口唔会柴，有口感。麻辣鱼腩，汤底麻香，辣味慢慢涌上嚟，送饭一流，配上芫荽增添香味，正！不得不提佢个鱼腩煮得啱啱好，好滑，冇骨，而且鱼味好浓但唔会腥。食完辣嘅嘢，饮返杯菊花蜜中和一下，即刻觉得冇咁热气。法兰西芝士流心西多士，西多士切落好松软，入面夹有芝士同火腿，点埋枫糖浆同牛油，外脆内软嘅口感配上一层甜甜嘅糖浆外衣，一试难忘！