立鮨 (安富大廈) (已結業)

立食寿司系日本好多，香港比较少。立鮨系系香港少数嘅立食类寿司店。当然为咗就香港人，佢宜家都有高櫈配合一下我哋。入面高寿司吧枱下面有个位置放包包都几细心。见到有海胆寿司set 就即刻order。包括有海胆赤虾、海胆带子、海胆鱿鱼、海胆火炙左口鱼裙边、海胆蟹肉。件件都好新鲜好味。另外又叫咗set人气寿司set，有三文鱼、赤虾、带子、火炙左口鱼裙边、鳗鱼、玉子。质素一样咁高。另外佢哋嘅寿司饭系用赤醋饭，食落酸味唔会咁强烈。另外叫咗两个迷你丼饭，一个满满海胆，另一个就三文鱼籽加海胆。鲜味直爆喉咙。见呢期有生蚝，再追加咗两只令和之怪物，成只手咁大，佢仲加咗啲酸汁啫喱，识落仲甜。