八妹雞煲

营业中

休息中

近排都喺大埔返工，每日收工都会同同事去附近食吓嘢，近排爱上咗一间鸡煲，经常都会帮衬，所以喺度推介一下。鸡煲名味道香浓，性价比高，真系好值得帮衬。八妹鸡煲，地址喺大埔旧墟直街4-20号美新大厦地下。餐厅装修得好整洁地方好大，带点怀旧风情。好似返咗以前嘅大排档一样。几有特色，灯光够晒光猛，坐得舒服，冷气又足够酱油同调味料都喺自助区自己选择，基本嘅酱料都齐晒，辣椒，蒜头，芫荽，炸左嘅蒜头，葱花，沙茶酱…. 呢度一定要帮衬试吓个鸡煲，今日我哋点一只鸡（微辣），鸡煲一上枱已经闻到好香嘅味道，上面铺满香菜，洋葱，芹菜，鸡肉非常嫩滑，吸收咗少少辣味将鸡嘅鲜味提升，而且仲要好入味。洋葱食落去好爽口，整体嘅调味配合得啱啱好，呢度嘅鸡煲系我食过最好食，食完鸡煲再加汤打边炉，记得食晒啲鸡先好打边炉，如果啲鸡煮得太耐就会唔好食😚安格斯肥牛，牛肉色泽红润带少少脂肪，😁脂肪分布均匀，食落去牛肉味特别香浓，牛肉吸收左鸡煲嘅香味，味道更加有层次，肉味浓郁响铃，即叫即炸嚟到新鲜热辣，放入汤底1秒已经食得，又香又松脆又吸收左鸡煲嘅香，无论口感同味道都系一流，同埋浓郁嘅汤底已经比响铃吸晒啲味道打边炉梗系唔少得叫支啤酒饮吓，