台灣ET鹽水雞

营业中

休息中

转新工之后唯一好处就系离美食十分近，仲要系出名美食杂中地既葵涌广场，真系日日放工都心郁郁想食下啲小食先返屋企嫁！今日忍唔住放工都去食一食盐水鸡先，个人觉得呢间最好食最有台湾风味。放工时间黎到，排晒队嫁！除左主要既鸡之外，仲有好多配菜可以拣，青瓜、菇、西兰花、木耳，样样睇落都新鲜，可能因为多人买，流量大，菜都新鲜唔会摆好耐。成件事好简单，拎张纸剔你想要既餐，鸡份量越多越贵，再拣配菜，比钱后会拎到号码牌，等叫号就得喇。因为仲想食其他野，叫左一人餐鸡腿加三款配菜，配菜拣左菇、木耳同青瓜。一人餐无论鸡同配菜份量都好多，加埋葱睇落真系好想要碗白饭黎送呀。鸡完全去骨，食落唔洗怕咬到细骨，鸡皮同鸡肉中间仲有晶莹剔透既啫喱，食落超嫩滑。拣左小辣同蒜，真系超惹味，辣度适中，适个唔太识得辣但又想食浓味野既人。