豪記

营业中

休息中

朋友早一晚先话要带我黎呢间试下，谂住都冇希望订到枱，居然比我打到电话，仲要订到枱，但可能因为系星期五晚关系，得返6:30嘅枱，要8:30 交枱，因为我听朋友都赞过几次呢间d 嘢食好得，所以限时都要食。朋友一坐低，就即叫咗黄酒鸡煲先，因为制作需时，咁我地就顺便叫埋其他要时间整嘅嘢食啦，朋友想食蟹，点知冇预订，所以冇得食，咁我地就唯有order蛳蚶＆扇贝＆蛏子＆蚌啦。黄酒鸡煲真系好正，好重糯米酒味，d 鸡又冇雪味，d 材料好足，搞到我系咁饮d 汤。而d 海鲜又好新鲜，食落去系好鲜甜。根住我又叫咗椒盐粟米，味道系唔错，但就略嫌少咗d，应该系用咗一条粟米，可能我系粟米怪啦，唔系好够食。好彩都赶得切8:30交枱，因为呢间系家庭式小店，眼见d 食客应该都系街坊／熟客，个个都好自律咁8:30左右就埋单交枱，唔会难为佢地。