影片
更多
2019-12-23
961 浏览
Red Lobster系佢未开张之前, 我已经好想去食! 🤤 今日趁住圣诞前呢D咁开心既日子, 我同同事决定过黎朝圣, 试下呢间闻名以久既美国过江龙! 💪🏻 餐厅外墙以红, 白色为主调, 正门既左手边有个大鱼缸, 入面养左10几只大小不一既龙虾🦞。一只只龙虾好生猛咁郁黎郁去, 好治愈! 我地大概1点钟到餐厅, 已经full house。由于我地无事先book定枱, 所以要等一等。但好彩无其他人等紧位, 所以我地只需要等一张枱就入得。店员首先会问你拎电话no., 入得既时候就会打俾你☎️。系等既过程中, 我同同事去左隔离既商店睇左一阵野, 大概10分钟左右就收到call啦, 都几快。(温馨提供, 店员系外国人, 所以要有心理准备需要讲英文呀😛)店员安排我地两个人座一张四人枱, 摆放食物既空间大左之余, 仲坐得好舒服! 呢度既Lunch Set会包汤, 主菜同埋一杯柠檬茶。主菜既款式颇多, 价钱由$78 至 $188 不等。一场黎到, 我地打算叫两个有龙虾元素既Lunch Set, 然后share食👯♀️。于是我地就叫左龙虾、大虾手工薄饼, 同埋烤龙虾丼饭。自家制车打芝士松饼呢个松饼系跟餐免
我地大概1点钟到餐厅, 已经full house。由于我地无事先book定枱, 所以要等一等。但好彩无其他人等紧位, 所以我地只需要等一张枱就入得。店员首先会问你拎电话no., 入得既时候就会打俾你☎️。系等既过程中, 我同同事去左隔离既商店睇左一阵野, 大概10分钟左右就收到call啦, 都几快。
(温馨提供, 店员系外国人, 所以要有心理准备需要讲英文呀😛)
店员安排我地两个人座一张四人枱, 摆放食物既空间大左之余, 仲坐得好舒服! 呢度既Lunch Set会包汤, 主菜同埋一杯柠檬茶。主菜既款式颇多, 价钱由$78 至 $188 不等。一场黎到, 我地打算叫两个有龙虾元素既Lunch Set, 然后share食👯♀️。于是我地就叫左龙虾、大虾手工薄饼, 同埋烤龙虾丼饭。
自家制车打芝士松饼
自家制车打芝士松饼
63 浏览
0 赞好
0 留言
呢个松饼系跟餐免费送既, 落完单之后店员就会自动提供, 听讲可以任添🤭。不过我地既然叫左两个餐, 食完应该会好饱, 所以都系点到即止好了。松饼上枱时仍然暖暖的, 仲传出阵阵芝士同蒜香味。拎上手发现佢都几轻身, 咬落去非常松软, 唔似平时食开既scone咁重身咁硬净。老实讲, 我第一啖咬落去果时系觉时味道有少少咸, 因为芝士既咸味同埋蒜味一下子涌哂出黎。不过再食落去就开始慢慢食到松饼既香味, 越食越香, 越食越好食。😋
南瓜汤
南瓜汤
42 浏览
0 赞好
0 留言
南瓜🎃汤真系一种又健康又好味既食材, 我超中意食! 尤其系佢果种天然既甜味, 真系太吸引了! 呢个汤味道既浓郁又丰富, 饮落去既每一啖都好清甜, 而且质感细滑一应该用滤网滤过好几次先做到。虽然质感细滑, 但其实汤入面仲有D细细粒既南瓜蓉 (都有少少咬口), 真系超好味! 👍🏻👍🏻👍🏻
龙虾🦞、大虾🍤手工薄饼🍕 ($118)
Lobster and Shrimp Flatbread
龙虾、大虾手工薄饼
$118
28 浏览
0 赞好
0 留言
龙虾、大虾手工薄饼
$118
24 浏览
0 赞好
0 留言
呢个pizza既外观几特别, 系呈长形既pizza, 上枱前已预先切开10小块。先讲配料, 佢系由龙虾🦞, 大虾🍤, 蕃茄🍅同埋芝士🧀制成, 唔算特别多, 而所有配料系焗之前已经切成粒状, 所以可以分配到好平均。咬落去系食得出龙虾好弹牙, 龙虾既味道几突出, 只系芝士唔算多, 导致拎上手果下无拉丝既效果。至于饼底方面, 因为做到好薄身, 所以焗完之后几香脆, 但我略嫌佢有少少太干身。
烤龙虾丼饭 ($188)
Lobster Rice Bowl
烤龙虾丼饭
$188
22 浏览
0 赞好
0 留言
先讲下呢个丼饭既主角「烤龙虾」, 我个人认为龙虾份量有D少, 有少少对唔住个价钱。不过龙虾上枱时已经拆好肉, 免去左唔少麻烦, 最岩我呢D中意食到啖啖肉的懒鬼👻。上枱时, 碗入面有一块柠檬, 食之前我挤左D柠檬汁🍋💦 落去个饭入面, 以提升龙虾肉既鲜味。
除左主角, 仲有唔少配菜, 包括椰菜花, 西兰花, 粟米, 南瓜同红萝卜, 每款大概1-2件, 味道正常。反而有少少unexpected既系佢个饭, 因为通常丼饭都系指白饭🍚或者日本醋饭, 但呢个烤龙虾丼饭用既竟然系用左近几年大受健康人士欢迎既藜麦！其实间唔时我都会系屋企煮黎食, 因为佢系超级食物, 唔单止可以能够提供大量纤维, 仲含有丰富矿物质, 而且最重要系低脂, 低热量, 低糖! 岩哂我呢D成日都想减肥既人食! 🙆🏻♀️
饭入面主要有黑, 红同埋白藜麦，其中黑色及红色既籽粒比较细小, 咬落去都有D韧度, 几有口感, 但要咀嚼耐少少。白藜麦既味道就比较重, 唔知形容得准唔准确, 我觉得有少少似粟米须既味道, 都几特别。
柠檬茶
冻柠檬茶
19 浏览
0 赞好
0 留言
跟餐送既, 可以拣热饮或冻饮, 而我同同事都拣左冻😂。本身上枱时既柠茶无加糖, 但就跟埋一小杯糖浆, 如果需要加可以自己黎, 自己调味😀
最后，店员服务态度真系几好, 个个都面带笑容, 而且好有礼貌! 呢度无收加一服务费, 同埋可以签卡👍🏻 下次会约埋朋友再黎食其他龙虾餐🤤🤤🤤
张贴
