鉄人旨花

营业中

休息中

早前去咗铜锣湾食铁板烧因为我好钟意食海鲜所以拣咗龙虾餐有龙虾、白鳕鱼、和牛（如果唔食牛 可以转豚肉架）大饱口福 好满足！💠龙虾铁板烧（二人前）- $2380🔸前菜🔸沙律矶煮鲍鱼冰凉弹牙！个汁甜甜哋、有啲酱油香，好食。胡麻酱沙律好清新。🔸汁煮白鳕鱼鱼煎得超嫩、好滑、厚身又多汁，而皮就煎得好脆。伴香甜洋葱汁，可以当汤咁饮，整体好好味。🔸龙虾配海胆汁龙虾好巨大，劲鲜甜爽身，单吃已经好好味！海胆汁香浓，点嚟食就会惹味啲。🔸季节料理以日本天白干花菇，发水2日再用嚟煮，厚厚嘅菇口感十足，一咬落去会喷汁，好香蒜、清酒、酱油味，好食。🔸熊本县产A5和王牛和牛5成熟，入口弹牙juicy，肉味香浓，伴车厘子红酒汁、羽衣甘蓝、独子蒜片，香口滋味。🔸葱蒜豚肉片豚肉松软，煎完仲有豚脂香，卷住蒜片同葱花一齐食，又香又有口感。🔸炒饭用日本产米嘅炒饭，粒粒分明，加入元贝、葱蒜、蛋等材料，炒得好香！我食哂成配饭😂。🔸鸡汤加咗啲菇一齐煮，味道几清香。🔸甜品可以拣雪糕或者水果，我拣咗静冈县密瓜，味道唔算太甜，但系蜜瓜味就好香。