私家廚房 (已結業)

同老死兄弟最佳食既野一定系镬气小炒,但依架天气咁热, 点坐系街边既大排档呀!老死就介绍既私家厨房话好味之余又够特色, 所以今晚就跟左佢去开餐了私家厨房系誉发广场, 好近油麻地地铁站佢卡位SET到好似独立房间咁, 私隐度高, 同朋友吹水倾心事就岩晒啦!薏米水($68): 老死话我咁怕热, 薏米水就岩晒我, 饮落微甜, 够天然, 而且薏米系另上, 等我地饮果阵系食到原粒薏米, 够口感! 小节位睇到咁细心已经加晒佢分啦!椒盐一口豆腐($68): 份量都唔少, 炸到外脆内嫩, 椒盐又唔会太多, 唔会太少, 岩岩好, 厨师好有高手FEEL呀!即叫即炸生炒骨($118): D个系店家极力推荐, 话D味𩠌系佢地既其中一样镇店之宝, 讲到咁夸张, 真系要试下, 个生炒骨果然系即叫即炸, 好香口, 而且旧猪肉几爽口, 好好味! 而且菠萝系新鲜货, 唔系罐头野! 可见餐厅对食材之认真程度!厨房小炒王($138): 次次去食小菜, 我都好钟意叫小炒王, 去试下厨师既功力, D个小炒王真系够晒镬气, 超级香口, 而且有好多唔同既料, 例如有鱿鱼, 虾干, 银鱼仔, 超级送饭, 好正冰镇菠萝(送的)- 新鲜菠萝