蔡瀾越南粉 (已結業)

朋友由间店开幕冇耐就话想嚟食，但又怕排队，最后佢喺平日非繁忙时间食左一次。听佢讲完食评我立刻有兴趣，呢日就跟佢嚟食。平日12点10分左右到左排队，等位时已派定Menu俾你，喺门口外等左10-15分钟入坐。行入去觉得环境干净，行左上2楼一间房里面坐低，枱与枱之间唔好期望宽敞，不过坐得舒服。其实可选菜式唔多，我要左牛腩牛筋河走莞茜，而朋友点左香茅烤猪颈肉春卷捞檬，再点左份春卷一齐食 。大约等5分钟就上菜，望落去卖相系正常汤河，我一口咬落去先明白点解朋友推荐呢间，河粉好滑，最重要系个汤底有好浓既牛肉味道但视觉上又觉得个汤好清。朋友话我知唔够可以添河粉，职员会另上一碗河粉俾我。我本来都觉得需要既，但系食完眼前碗汤河同小食我已饱了。总括嚟讲系好值得嚟试下。