麻辣小聚 (93WYS) (裝修中)

今日约咗一个中学时期嘅好朋友食饭，得知佢有好消息宣布，所以就想揾一间好嘅餐厅坐低慢慢倾吓计🤣于是就拣咗呢一间喺牛头角附近嘅麻辣小聚！餐厅非常开阳，而且座位好阔落！整体感觉都非常良好❤️👍🏻叫咗一份山城辣子鸡，呢一个辣子鸡就咁睇个卖相就已经好邪恶好吸引，虽然有好多满满嘅辣椒，但系食落去啲鸡肉一啲都唔会太辣，而且仲要炸得好香口！依然可以保持到入面鸡肉本身嘅香味同埋麻辣嘅味道！另外仲叫咗一份樟茶鸭，呢一个嘅味道好特别，鸭肉嘅香味加埋茶嘅香味，原来系咁有特色嘅味道！而且呢个鸭肉亦都好好食，肌理性十足！咬入去嘅时候啖啖肉，而且外皮亦都冇乜脂肪，连埋皮一齐食就更加正！