金滿象正宗泰國菜 (已結業)

一行2人，行完花园街，去附近揾野食，见到有间泰国菜，个门面几靓，光鲜，同埋都几多人排队，于是就二话不说，同老婆入去攞位等食晚饭。 等左大概15分钟左右，就可以入去了，坐位不多，但整体感觉舒适！ 见到菜牌有好多野食，花多眼乱，于是就叫泰国姐姐介绍d招牌菜，呢位泰国姐姐谂都无谂就介绍左，无骨烧鸡焗黄姜饭，同埋咖哩大蟹，见到周围都好多人叫，我同老婆都无意见，就叫左呢2个招牌菜，可能人比较多既关系，我们等左大概30分钟先有得食，不过都几惊喜，因为个鸡，同个蟹，出到来个卖相很好，鸡都大只，肉好嫩，黄姜饭香喷喷👍值得推介 呢个咖哩大蟹，我食咁多间泰菜，呢间真系超新鲜同大只，啖啖肉，味道仲好好，原本谂住加个薄饼点咖哩汁食，但因为泰国姐姐仲介绍左个甜品，所以无加到，因为都几饱，食埋个甜品刚刚好！总体来讲。用料新鲜，味道👍，价钱中等，2人加埋先600元左右埋单，抵食，有惊喜，一定会再帮衬！