影片
更多
2023-02-11
150 浏览
香港既川菜店唔会由何时开始, 开得越来越多, 当中大部份都以酸菜鱼作招徕, 自问系酸菜鱼既忠粉, 所以一有时间我都会四周寻找酸菜鱼踪影!今次我就嚟到”厨十三老坛酸菜鱼”铜锣湾分店开餐, 听讲餐厅来头唔少, 佢系国内热爆「太二」酸菜鱼专门店既美国分店班底嚟香港登陆, 严格选用上等小叶芥菜, 90日腌制 ,真正做到正宗传统四川风味~二话不说就嚟一个酸菜鱼, 酸菜鱼有size分 (细份, 大份&土豪份), 而且配料总共有14款咁多~我点咗大份既酸菜鱼, 加钱点咗青笋片&午餐肉两款配菜, 讲真, 酸菜鱼既份量真系巨夸张, 用「碟上」嚟形容, 完全形容唔到𠮶份震撼感觉, 正确嚟讲系用「洗面盘上」! 就算唔点配菜都好够食~金汤味道酸酸辣辣, 唔会过酸过油, 亦唔会辣到呛喉, 鱼鲜味都几出, 唔小心咬咗粒花椒, 麻麻地又几香口; 盘入面有2条鲈鱼, 鱼肉起骨起刺, 肉质爽中带滑, 厨师分工唔错, 每件鱼肉厚薄度都差唔多, 劲!毛血旺毛血旺红油超多, 望落好似好辣咁, 其实辣度只系bb级, 但就有一般好重既麻辣香, 鸭血超滑溜, 猪肚烟烟韧韧, 牛栢叶爽脆, 土豆片&青笋片煮得好人味, 最重要系份量多
今次我就嚟到”厨十三老坛酸菜鱼”铜锣湾分店开餐, 听讲餐厅来头唔少, 佢系国内热爆「太二」酸菜鱼专门店既美国分店班底嚟香港登陆, 严格选用上等小叶芥菜, 90日腌制 ,真正做到正宗传统四川风味~
二话不说就嚟一个酸菜鱼, 酸菜鱼有size分 (细份, 大份&土豪份), 而且配料总共有14款咁多~
我点咗大份既酸菜鱼, 加钱点咗青笋片&午餐肉两款配菜, 讲真, 酸菜鱼既份量真系巨夸张, 用「碟上」嚟形容, 完全形容唔到𠮶份震撼感觉, 正确嚟讲系用「洗面盘上」! 就算唔点配菜都好够食~
金汤味道酸酸辣辣, 唔会过酸过油, 亦唔会辣到呛喉, 鱼鲜味都几出, 唔小心咬咗粒花椒, 麻麻地又几香口; 盘入面有2条鲈鱼, 鱼肉起骨起刺, 肉质爽中带滑, 厨师分工唔错, 每件鱼肉厚薄度都差唔多, 劲!
毛血旺
毛血旺红油超多, 望落好似好辣咁, 其实辣度只系bb级, 但就有一般好重既麻辣香, 鸭血超滑溜, 猪肚烟烟韧韧, 牛栢叶爽脆, 土豆片&青笋片煮得好人味, 最重要系份量多, 感觉越食越有, 好意头呀~
红烧牛肉
呢个𩠌都几重口味, 牛肉入口就令我谂起五香牛肉干既味道, 但呢款牛肉肉质就偏向淋身, 白萝卜吸汁后味道有少少咸, 但用嚟送饭又会觉得啱啱好~
土豆烧排骨
「厨十三」都算体贴, 餐牌上有多款小菜都系唔辣, 好似菠萝咕噜肉, 就自唔食辣既都照顾到!! 呢个土豆烧排骨同样系零辣度, 土豆好加分, 入味得嚟又甜甜地, 淋淋滑滑, 推! 排骨相对嚟讲就无乜特别, 都系有一定水准, 肉质几嫩滑, 细细粒易𩠌饭~
张贴
