華南冰室 (已結業)

今要去到深水埗行街，突然发觉今日未饮咖啡，结果行咗入呢间冰室 ，叫咖啡再加多碟颓饭 - 黑椒猪扒饭。呢度无快餐，碟头饭同杯啡都系正价，仲要人头低消为港币14元。杯咖啡讲真一般，系一般茶仔嘅水准，无乜特别好讲。反而𠮶碟碟头饭极为惊喜！黑椒汁，猪扒，饭，呢三种物质构成一碟美味颓饭。饭同两件猪扒都系普通货，反而黑椒汁今日就抢晒镜，将猪扒同饭紧扣起来，个汁完全发挥作用，将呢碟颓饭升格为另一层次，原因系个汁不太浓，又不太稀，啱啱好挂喺猪扒同饭个面，大家又唔会抢到大家应有嘅味到，赞！真心希望下次回头再一次尝到此美味颓饭。