XOXO Café Lab (已結業)

朋友之前黎食过，极力推介要带我黎试。之前都去过九龙湾店，我就觉得麻麻地，份量又少，唔知呢间系唔系一样?!虽然话呢间系台式餐厅，佢o既餐牌几 fusion ，乜都有。餐厅刚好有个1周年午餐精选优惠，都算几抵食。朋友就拣左牛肝菌汁牛柳粒牛乳蛋包饭，我就拣左日式咖喱汁吉列猪排牛乳蛋包饭。日式咖喱汁吉列猪排牛乳蛋包饭:蛋包饭其实只系一大片炒蛋舖系饭面而已，绝对唔系包住，蛋好滑。日式咖喱汁唔辣，甜甜地，下饭唔错，猪排腌味唔够，只靠日式咖喱汁吊味。吉列猪排炸得松脆，但唔够热，猪排已切成细块，较易入口。最惊喜系配埋沙律，唔系沙律菜，系落埋沙拉汁，食落好fresh，好特别，食吉列猪排都冇咁热气。牛肝菌汁牛柳粒牛乳蛋包饭:蛋包饭算ok，蛋好滑，牛柳粒就有啲韧同硬，份量算ok，牛肝菌汁就似平时啲烧汁咁，食唔到菇味。配埋杂菜沙律，好丰富，够健康，唔会只得啖啖牛柳粒。其中一个餐要左升级优惠，即加 $5有是日餐汤同蒜蓉包，饭已食完都未黎。曾经都叫过侍应，不过叫极冇反应，又系我睇你唔到。最后都费时摧，总之埋单时讲明冇黎就算。