和匠日式燒肉店

营业中

休息中

年尾出左双粮，即刻同朋友去食餐好慰劳自己。呢间烧肉店通风做得非常好，个炉有埋通风系统，食完个身完全无烧肉味。前菜叫左个豆腐沙津 $62 开谓沙律好大碟，几足料，个酱系日式芝麻酱，加埋豆腐食好夹。芥辣八爪鱼粒   $48一大碗八爪鱼满载，芥末味重，钟意食wasabi一定要叫。美国PRIME牛小排  $138呢个牛D肥膏同肉分布好平均，好肥美，烧完后即刻食入口即溶，完全无根，靓件真系唔同D。美国PRIME牛角切 $168牛粒又系脂肪分布平均，烧完之后外脆内软，好嫩的牛，唔需要落任何调味料都食到天然牛味，必点。豚腩肉  $80猪肉的肥膏睇落需然好多，但烧完出黎好嫩滑，完全食唔到根，加埋少少七味粉调味先烧，更好食，而且只系$80，值得一试。牛油烧帆立贝黑松露酱 $88牛油加黑松露，一路烧一路闻到好香的黑松露味道，等到牛油溶左仲香，热辣辣即刻摆入口，黑松露香慢慢系个口到出黎，正!特大缅甸虎虾 $220呢个虾要成$110 只，系有D 贵，出左双粮豪食一次。个虾烧到一红色就要拎出黎，唔系烧太耐D肉就唔嫩。个虾超大双，食落好鲜甜。海胆炒饭 $108个炒饭个人觉得鲜味唔够，味道也不太够，普普通通。