Burger Circus

营业中

休息中

呢间位于中环大馆正对面嘅汉堡包店充满美国风情，佢嘅装修系用火车餐卡主题，配色则用左美国国旗红色同白色。佢呢度burger嘅选择唔算多，内馅亦都唔算好华丽，感觉真系同你用美国最classic嘅味去决一胜负咁。我叫左个American cheese burger，谂住试下佢个原味，而我老公就叫左个deluxe burger。我两个都有试，但讲真唔系好食得出个分别，哈哈。佢嘅包都系细细个，一手就可以掌握哂，又唔会漏晒啲馅出嚟。上下用左两块皱皱嘅包去整，个包好松软好易咬。佢个芝士俾块汉堡扒热溶之后好香芝士味，块扒都好juicy，爆哂汁咁。再加埋佢哋特制嘅sauce同烤过嘅洋葱，酸酸甜甜嘅味又冚过左啲油味，整体组合虽然唔多但各自发挥出应该有嘅作用呀。奈何佢个包真系太细，我哋叫多左个薯条垫下肚。佢薯条够粗，充满哂薯蓉嘅感觉好正，再点佢个酸忌廉，好邪恶但又欲罢不能。佢个酸忌廉仲要够杰身，一食落去系好实在嘅口感呀。为左唔咁dry，我哋仲叫左个salted caramel奶昔，佢嘅咸味一啲都唔奇怪，反而好融入到个甜味，可能因为个甜味都唔系太重嘅关系啦，两者唔会炒哂车。