牛站(駅)麻辣火鍋放題

营业中

休息中

同朋友食火锅放题兴团年。我哋今次系食每位$298嘅餐可任食SRF极黑和牛，美国牛肩胛，牛板腱，同埋海鲜及乳鸽等。金汤花胶鸡汤+蟹皇海鲜汤我哋加了$48转做自选鸳鸯汤底。清甜花胶鸡汤味道清甜。蟹皇海鲜汤好多虾同蚬，味道鲜甜。我见餐厅仲有羊腩煲汤底，好特别，不过朋友唔食羊，冇试。美国极黑和牛口感软滑，油份香。美国牛肩胛同就牛味较浓，口感比美国极黑和牛较为有咬口。海鲜方面有罗氏虾，帆立贝，沙白。罗氏虾爆膏。沙白大只，无沙鲜味。呢度提供嘅丸类繁多，款式特别，例如芝士鳕鱼丸，芝士味超香，巨型蟹柳同埋牛筋丸都好好味。呢度嘅烧乳鸽皮脆肉嫩，肉质juicy 而且入味，正。甜品有多款雪糕同甜品柜，当中Haagen Dazs 雪糕同movenpick雪糕 有多款味道不同时间轮流推出。