牛摩 (都會駅)

营业中

休息中

之前新开张嘅时候嚟试过牛小排餐惊为天人，一直想再嚟，今晚想打边炉又唔算好饿，就拣咗美国牛肩胛餐。连锁边炉好多时唔同餐之间肉嘅质素差好远，要拣到中间价位先叫入得口，但牛摩完全打破咗我嘅既定印象。 特选美国牛肩胛卖相已经好得，油脂分布平均，食落牛味浓，厚度都足够，完全唔会轻飘飘咁。 今晚encore咗几次牛，好欣赏质素好稳定，同第一round差唔多咁靓，定价百几蚊真系抵到烂。放题仲有得拣猪、鸡、黄金花枝枣同牛摩饭，以我专攻牛、加一两碟猪嚟讲都好够食，猪梅肉几靓，整体嚟讲几欣赏啲肉，似平时AEON买𠮶啲咁有肉味。自助区仲有好多款菜、特别嘅丸同响铃，饮品特别，出面单点都要十几蚊一罐，完全满足晒打边炉嘅欲望，一定会再嚟。