影片
更多
2022-12-06
189 浏览
🍽Little Vegas (铜锣湾)📍铜锣湾耀华街3号百乐中心25楼1.Rainbow seven 系列- 富士山下🗻（Blue Lime and Lemon ）呢一杯系列嘢饮简直佢要话系呢一间餐厅必嗌嘅饮品，佢外观真系好似富士山，上面嘅云呢拿雪糕慢慢流落嚟，里面嘅蓝色汽水味道有少少似雪碧或者波子汽水，望住个雪糕慢慢溶落嚟，觉得自己真系好似置身于日本一样，打卡真系一流。2. 玫瑰草莓沙冰🍓除咗啱啱介绍嘅Rainbow系列之外，佢哋嘅沙冰都好出色。嘢饮上面有好大个cream，上面仲有啲玫瑰碎，下面嘅嘢饮系浪漫嘅粉红色。味道都好吸引，系士多啤梨加玫瑰，酸酸甜甜，好开胃。3.鸡翼好多重奏 🐥（麻辣，柚子，玫瑰）佢哋呢个鸡翼好多重奏，真系满足到好贪食嘅我，一次过可以享受三种唔同味道嘅鸡翼。钟意食辣嘅朋友一定要嗌麻辣鸡翼，其实佢唔算太辣，但系佢嘅麻辣香味真系好重，好惹味。柚子鸡翼都唔错，上面放咗好多柚子酱，味道好甜，有淡淡的柚子味，有少少似食紧蜜糖鸡翼。玫瑰鸡翼好特别，有淡淡的玫瑰花香味，咬落去嘅鸡翼都好多汁，系必食嘅菜式之一。4.明太子忌廉天使面👼🏻佢嘅外观好吸引而且好好食，佢上面放咗好多柴
📍铜锣湾耀华街3号百乐中心25楼
1.Rainbow seven 系列- 富士山下🗻（Blue Lime and Lemon ）
呢一杯系列嘢饮简直佢要话系呢一间餐厅必嗌嘅饮品，佢外观真系好似富士山，上面嘅云呢拿雪糕慢慢流落嚟，里面嘅蓝色汽水味道有少少似雪碧或者波子汽水，望住个雪糕慢慢溶落嚟，觉得自己真系好似置身于日本一样，打卡真系一流。
富士山下
$52
35 浏览
0 赞好
0 留言
2. 玫瑰草莓沙冰🍓
除咗啱啱介绍嘅Rainbow系列之外，佢哋嘅沙冰都好出色。嘢饮上面有好大个cream，上面仲有啲玫瑰碎，下面嘅嘢饮系浪漫嘅粉红色。味道都好吸引，系士多啤梨加玫瑰，酸酸甜甜，好开胃。
玫瑰草莓沙冰
$49
8 浏览
0 赞好
0 留言
3.鸡翼好多重奏 🐥（麻辣，柚子，玫瑰）
佢哋呢个鸡翼好多重奏，真系满足到好贪食嘅我，一次过可以享受三种唔同味道嘅鸡翼。钟意食辣嘅朋友一定要嗌麻辣鸡翼，其实佢唔算太辣，但系佢嘅麻辣香味真系好重，好惹味。柚子鸡翼都唔错，上面放咗好多柚子酱，味道好甜，有淡淡的柚子味，有少少似食紧蜜糖鸡翼。玫瑰鸡翼好特别，有淡淡的玫瑰花香味，咬落去嘅鸡翼都好多汁，系必食嘅菜式之一。
鸡翼好多重奏 （麻辣，柚子，玫瑰）
$86
10 浏览
0 赞好
0 留言
4.明太子忌廉天使面👼🏻
佢嘅外观好吸引而且好好食，佢上面放咗好多柴鱼片，明太子嘅味道好出，真系放咗好多明太子。忌廉同明太子混合得好好，加埋天使面真系流晒口水。
明太子忌廉天使面
$116
11 浏览
0 赞好
0 留言
5.命运pizza 🍕（好惹味避风塘鱿鱼圈pizza,黑松露野菌pizza）
今次真系好满足，可以一次过试晒两款Pizza。由于我认为佢哋嘅餐单都好吸引，所以我交咗比厨师决定我食咩味道嘅Pizza。今次有机会试到好惹味避风塘鱿鱼圈pizza，佢哋真系好足料，鱿鱼圈佢落咗好多，佢做得好腍身，做得啱啱好。以佢嘅黑松露野菌pizza，好似完全唔使成本咁样落咗好多黑松露，加埋野菌喺里面，简直天衣无缝。佢哋嘅Pizza做得好薄身好脆口，而且劲多芝士，适量洋葱，真系同意大利做嘅Pizza有得挥，真系要试👍🏻
命运pizza （好惹味避风塘鱿鱼圈pizza,黑松露野菌pizza）
$128
18 浏览
0 赞好
0 留言
环境：💛💛💛💛💛5/5
卫生：💛💛💛💛💛5/5
食物：💛💛💛💛💛5/5
价钱：💛💛💛💛🤍4/5 ($474/2=$237💰）
P.S. 佢哋嘅餐厅做得好精致，墙上面贴住好多彩色嘅漫画，里面好多美国经典漫画人物既figure，好有特色。成间铺都可以拎嚟打卡，啱晒我呢啲港女去。佢哋嘅服务态度亦都好好，服务员都不厌其烦咁样为我哋推荐美食。佢哋嘅嘢食唔单止打卡一流，而且好有内涵，食得出厨师好有心机。喺铜锣湾返工返学嘅朋友，有机会真系要试一试，绝对唔会令你失望。
张贴
