Chef's Movement

营业中

休息中

元朗好多野食，但会令我食完又食既餐厅其实一只手数得晒。今次要介绍既系chef's movement，已经帮衬左2年几，我地叫佢做美国队长，因为佢装修好统一，连墙身都系有花心思，家私都有配合主题，就算坐楼梯底，都觉得自己似入左间主题房咁。食物方面，我最爱系燕麦多士，其次系牛角包，egg benedict系抵食，但英式松饼比较难切，所以少叫d。每次黎都会估下时令生果系咩，同常都唔同，蜜瓜，橙，西瓜，每次既小惊喜。我地另外会再叫炸鱼柳，手掌咁长既鱼柳，咬落去啖啖肉，炸粉唔薄唔厚，唔会太油腻，或者食粉多过食鱼肉。价钱方面，大约$45一份早餐，加$20一杯饮品，性价比超高!!黎过咁多次，每次都见到唔同人，有一家大细、有行山人士，有良朋知己，地方细，倾偈大声少少都会俾人听到，呢样系美中不足既地方。