Outback Steakhouse (新城市廣場三期)

营业中

休息中

作为 Outback 既粉丝，知道沙田开咗分店梗系要帮衬下啦，同埋以后就唔洗再特登去到旺角先食到喇。铺头系一田百货果边位置比较偏僻，不过餐厅空间就劲大，而且内里装修都几靓，依家用汇丰信用卡有啲二人餐重有优惠添，叫咗美国顶级海陆套餐。是日餐汤系蘑菇汤，味道无薯仔忌廉汤咁好饮，不过可惜是日餐汤系无得拣既 ; 黑糖面包唔够热有啲可惜 ; 沙律生菜爽口得嚟冻冻地，加埋芝士碎同沙律酱，健康又好味。烧美国顶级纽约牛扒拼加拿大龙虾尾 : 龙虾尾煎完之后好香口，而且肉质弹牙鲜甜 🤤 牛扒叫咗五成熟，切开时肉质粉嫩有血水，之后放上余温既铁板再煎一煎刚刚好。烧美国带子烟肉白汁烩饭 : 烟肉包住带子去煎估唔到会咁好食，下次系屋企都要试下咁整先 😝 白汁烩饭虽然好惹味，不过食落有啲腻。炸洋葱圈 ($68) : 好似菊花咁散开好靓 🌼 炸酱味道有啲似麦当劳既脆香鸡翼，洋葱圈几鲜甜，不过太高估自己既食量 😝 所以食唔哂，建议三至四人聚餐时叫会更合适。