一．漢堡

营业中

休息中

呢间真系小店黎，今日系荃湾行过见到，墙上挂晒nba既相，装修简单得黎又几舒服，同男朋友谂都唔谂就入佐黎试下。🥩🍔手打安格斯牛汉堡呢个汉堡既包好松厚，有微微烘过，安格斯牛汉堡扒都系好厚，肉质好软腍，好柔嫩，牛味都好重，厚厚既一块汉堡扒肉汁好多，表面煎到焦脆，再配合埋蕃茄，流心芝士生菜呢啲配料，成个汉堡一啖都食唔晒，口感劲丰富，好食呀！🐟🍔脆炸鱼柳汉堡呢个直头系炸鱼薯条入面既炸鱼，劲大条，原条炸鱼放系汉堡入面，炸鱼炸到金黄色，一咬就索索声，炸粉都唔会太厚，鱼肉又几滑，仲要成块鱼柳都几厚，有埋蕃茄生菜做配料，同样口感丰富，相对无牛汉堡咁滞！🍟黑松露芝士薯条薯条系即叫即炸，新鲜炸既薯条本身已经够好食，仲要洒满黑松露粉同埋芝士粉，味道更香，就咁食都已经好好食啦！