影片
更多
2024-08-23
264 浏览
之前黎呢度食过晚市二人餐，感觉唔错。相约有排都无见嘅友人见下面，知道依家至8月底，做紧每位$298嘅假日午市放题，可任食刺身，炸物串烧及寿喜烧二小时，梗要相约朋友黎试下啦。十二时开始，准时到达，今次坐位于吧枱前面，可以睇住侍应不停传菜。手机扫二维码落单，环保之余仲无漏单。头盘每人一客矶煮鲍鱼及三色刺身，摆盘相当精美。鲍鱼煮得相当入味及弹牙口感; 刺身亦肥美够口感，作为头砲几唔错。胃口开咗，回本必食嘅首选刺身。提供六款刺身，有大路嘅三文鱼，油甘鱼及赤虾。仲有时令季节嘅鱼类及贝类。鱼类系鲷鱼，入口几鲜甜。而贝类代表就系厚切带子，一啖一只鲜甜软熟，不禁成为追加目标。食完冻就到热，炸物串烧无可能抗拒到。烧鸡翼串，一串两只，每人四只碎料啦。将佢整薄再烧，令皮更香脆，味道略为淡D，枱上有七味粉可自行加。鸡类唔好比佢停，仲有唐扬炸鸡及鸡皮饺子，即叫即炸，入口够热，点沙律酱食系会增加邪恶度。估唔到有芝士薯条，唔理热气问题啦，照落单 (哇哈哈……)吉列蚝食埋见隔离枱都食紧寿喜烧，有安格斯牛肉，日本豚肉及野菜锅，就要个安格斯牛肉锅。锅中已放满各式野菜，豆腐，菇菌及粉条。滚起就可加牛肉，薄薄一片好快就转色食
相约有排都无见嘅友人见下面，知道依家至8月底，做紧每位$298嘅假日午市放题，可任食刺身，炸物串烧及寿喜烧二小时，梗要相约朋友黎试下啦。
十二时开始，准时到达，今次坐位于吧枱前面，可以睇住侍应不停传菜。手机扫二维码落单，环保之余仲无漏单。头盘每人一客矶煮鲍鱼及三色刺身，摆盘相当精美。
鲍鱼煮得相当入味及弹牙口感; 刺身亦肥美够口感，作为头砲几唔错。
胃口开咗，回本必食嘅首选刺身。提供六款刺身，有大路嘅三文鱼，油甘鱼及赤虾。仲有时令季节嘅鱼类及贝类。
鱼类系鲷鱼，入口几鲜甜。
而贝类代表就系厚切带子，一啖一只鲜甜软熟，不禁成为追加目标。
食完冻就到热，炸物串烧无可能抗拒到。烧鸡翼串，一串两只，每人四只碎料啦。
将佢整薄再烧，令皮更香脆，味道略为淡D，枱上有七味粉可自行加。鸡类唔好比佢停，仲有唐扬炸鸡及鸡皮饺子，即叫即炸，入口够热，点沙律酱食系会增加邪恶度。
估唔到有芝士薯条，唔理热气问题啦，照落单 (哇哈哈……)
吉列蚝食埋
见隔离枱都食紧寿喜烧，有安格斯牛肉，日本豚肉及野菜锅，就要个安格斯牛肉锅。
锅中已放满各式野菜，豆腐，菇菌及粉条。滚起就可加牛肉，薄薄一片好快就转色食得。肉味几浓，口感嫩滑。
又要再追加啦，品质仍然系吸睛。
仲有几款迷你丼饭，呢款系海之幸丼，除咗有各类角切鱼类，亮点仲有海胆，系海胆呀。
将海胆混入醋饭中，一啖送入口，鲜甜海胆味飘出黎。已经饱到要抖一抖先再食之际，侍应哥哥通知出面有甜品。有部刨冰机及牛角酥窝夫已经等紧客人们。
加入自选汽水(橙汁味)就变成橙汁刨冰及朱古力浆蓝莓牛角酥窝夫。
食饱好彩呢区大把商场，要行多几间先可以消化到呢一餐呀。
张贴
