Dazzling Cafe (皇室堡) (已結業)

好多年无食过dazzling cafe, 仲记得以前香港未有既时嘅，去台北会排队食佢既蜜糖吐司~今日同朋友黎食甜品，平日6点几已经接近坐满，人气依然。今期做紧爱文芒果系列，我地点左芒果蜜糖吐司，草莓waffle同2杯野饮~草莓waffle好快就上枱，大大份好厚身既waffle😍waffle外脆内软，配草莓雪糕食好味，不过就唔热，热食会更好，另外仲有3个sauce(炼奶，草莓酱，蜜糖), 好邪恶。之后既芒果蜜糖吐司好吸晴😍好大份！配左芒果雪糕，吐司烘得好脆，个人觉得脆过头😂另外吐司盒上面有扮蛋既芒果雪皅，好有趣！本身以为个盒入面无野，点知系塞满生果，几有惊喜。饮品方面点左热水果茶同葡萄柚梳打都唔错。