Crostini Bakery & Cafe (已結業)

黄昏经过，本来只想饮杯野，忽然醒起呢间好似有set⋯⋯热饮＋面包只系$40，好多款面包、牛角酥之类可以拣。铜锣湾嚟讲真心抵！荒死蚀底嘅我，要左最贵嘅杏仁片牛角酥同玫瑰latte，真系超抵！牛角酥翻热左，外面好脆少甜，入面松软，仲有杏仁片，非常非常非常之好食！完全拍得上名牌bxx hxx、gxx cxx！杯咖啡有靓靓玫瑰花瓣同拉花，饮落香滑，如果玫瑰味重D更好。女店员妹妹好nice好好笑容，令到成件事更relax更正！唯一扣分系个场，因为近皇室堡后门成日有人出入，比较热⋯⋯下次会加$10转冻饮。仲有cake set，唔记得$60几，不过cake我麻麻⋯⋯下次经过一定会再帮衬！