八號草 (已結業)

朋友有养狗，讲开原来美孚开咗香港首间滚球主题餐厅，入面设有宠物友善专区，可以带埋宠物一齐入去食嘢，餐厅提供宠物下午茶套餐，亦有卖宠物食品同用品。另外餐厅仲设有飞镖机，可以边饮边食边掟镖。今日下午茶时间就去咗探路。三式炸物Combo Set $178下午茶时段供应嘅呢款炸物Combo Set都几抵食，除咗有烤蚝、炸芝士同炸鸡块3款炸物，仲跟两枝IPA手工啤。不过因为我哋想有多一款口味，其中一枝就要咗红桑子白啤。先讲炸物，最有惊喜系炸芝士，外皮炸得香脆，软心芝士芝味香浓，点埋泰式甜酸酱更加系别有一番风味。Groose Island IPA，酒精浓度5.9%，系美国芝加哥手工啤，麦味香浓仲带有啤酒花同柑橘香味。至于Hoegaarden Rosee，酒精浓度只有3%，甜甜哋一d都唔苦，岩哂女仔饮，入口有清新嘅红桑子味仲带少少花香。黑椒汁猪寸骨$78猪脾肉嫩，食落啖啖肉，点埋个黑椒汁食都几惹味。扒火腿芝士竹炭包$128竹炭多士夹住火腿同满满嘅芝士，面头仲铺咗只太阳蛋。蛋浆加埋咸香火腿芝士，同多士简直系prefect match。。。八号草 (美孚)美孚百老汇街77号美孚新邨四期商场保龄中心1楼。