八號草 (已結業)

美孚以前嘅保龄球场原来而家转咗做草地滚球场，旁边仲开咗餐厅，座位都几阔落。晚市套餐二百几蚊，有沙律、有汤、餐包、主菜、饮品、甜品，性价比都OK。沙律可以拣Parma ham或者烟三文鱼，我哋要咗Parma Ham，份量都几多，而且沙律菜好新鲜，配上沙律酱汁好开胃。餐汤拣咗杂菜汤，蔬菜多，几足料。主菜要咗烧春鸡同埋猪鞍。烧春鸡整得好食，腌得入味，烧完嫩滑多汁，好食！猪鞍扒够厚身，食落口感唔错！之后甜品我哋拣咗tiramisu 同埋 自家制雪糕芝士饼，两个都几好食；再饮埋杯咖啡，为呢个晚餐画上圆满嘅句号。