劉老太手工餃子

营业中

休息中

之前听美孚街坊介绍咗呢间刘老太手工饺子，特登去咗试吓。试完之后觉得太好食了！所以决定写番篇食评分享俾多啲朋友认识呢间诚意满满嘅小店。餐厅位于美孚新村住宅平台，需要行一层楼梯先会见到。餐厅装潢新净，可惜铺面略嫌地方有些浅窄，要是人多未必会坐得太舒适。讲番食物，真系令我相当之有惊喜，睇得出餐厅诚意满满，用心做好每一道的出品！今晚一条友点左莲藕煎肉饼饭+樱花虾韮菜豚肉饺汤饺6只再加多支豆浆。首先讲个莲藕煎肉饼，我相信餐厅告示所讲，所有猪肉制品都系用本地新鲜猪肉绝对系真，因为咬落个肉饼有肉汁bid出黎，非常juicy，而且食得出肉本身嘅鲜香味，加上莲藕粒粒粒都爽口有咬口，食得出食材都系非常之新鲜，而且调味适当，非常好食。另外不得不赞厨师嘅功力，5块肉饼无一块煎㶶，而且个饭嘅软硬度都煮到岩岩好。再讲个樱花虾韮菜豚肉饺，皮薄馅靓，一咬第一啖即刻就感觉到韮菜嘅鲜甜味，樱花虾嘅虾味，同埋猪肉嘅肉鲜味冲击味蕾，十分过瘾，个汤今次叫左原味虫草花什菌老火汤，较为清淡，更加突显到饺子食材嘅鲜味。见到有其他评论话野食要等好耐，我都有类似经历，但我嘅睇法系餐厅方面系即叫即煮，而唔系一早煮定晒系度，原因系我个肉饼一