点心代表 (已結業)

迟咗出呢一篇食评，因为前一排好忙，今日终于可以写到呢一篇食评啦！呢个系大家嘅童年回忆美少女战士点心，之前经过尖沙咀见有啲肚饿，去咗呢一间点心代表度食美少女战士嘅点心做下午茶，可能因为系下午茶嘅关系四点几冇乜人， 所以好快就可以入座 叫咗两笼点心一个系带子烧卖另一个就系流沙包。 两个点心嘅卖相都好精致，打卡一流，不过味道就一般般。烧卖上面嘅带子都算大块, 但系味道就并不是太出色。 包嘅皮得偏厚, 味道同普通流沙包其实差别不大。 呢间点心代表胜在有好多打卡位，出面有好多布景板，可以俾大家影相，不过去完一次就唔会再去第二次啦。