Boy n Burger (已結業)

Boy, Boy, Boys! 麻甩专员今日唔系麻甩佬，而系一个Boy! 美式汉堡包店最紧要就系店嘅logo同室内装修，而呢间汉堡正正做到内外兼备室内只有黄色圆櫈，十足80年代嘅特色另外只要入黎睇下呢个男仔生招牌，我谂大家之后都自然会记得起呢间汉堡包店麻甩Boy今次叫左个德州脆鸡堡+汽水薯条坐低等叫号码然后拎餐，留意返餐厅内所有店员都系英文沟通拎餐后心入面都系个句，个男仔logo真系好得意薯条份量多，现炸薯条无加任何调味，如果需要盐/黑胡椒/茄汁/芥末系需要自己拎现炸薯条脆口唔油，热辣辣嘅薯条令到薯仔味更特出德州脆鸡堡入面夹住芝士,洋葱粒,脆烟肉粒汉堡包属于软熟型面包，未有特别处理焗过个包身，反而咁样仲特显到入面d料嘅口感炸鸡堡现炸脆身，炸粉唔厚啖啖肉，肉汁锁死系肉内，一咬嘅时侯会有汁滴出黎配以芝士,洋葱粒,脆烟肉粒一齐食，脆烟肉粒增添一份爽脆口感整体由包嘅软熟到鸡堡嘅爆汁再到芝士同烟肉粒嘅爽脆咸香，直头想即刻叫多个包食店内价钱亲民贴地，香港地而家想食个有质素嘅汉堡包都过百蚊而呢一间由净汉堡＄２８-＄８０就食到（套餐另＋＄３０）简直可以满足所有汉堡包爱好者，自问钟意食汉堡嘅你必须一试！