Cafe de Tiffany (已結業)

带点美式古典风情o既扒房，霓虹灯散漫住温暖o既黄色，映衬旧式梳化同埋木造家俱，气氛醉人。烘至微㶶o既面包，火候刚好，少少脆身，仍保留面包口感，不至于太干身一咬即断。红白二汤任君选择，我拣o左红汤，味浓，带有微重胡椒o既气息。碌过openrice，确认肉眼扒系店舖名物，人人皆叫，当然要试番下。纽西兰肉眼扒(二人餐$268 未加一) 非常大块，并无因为面积大就compromise 厚度，呢个就系正式扒房同普通餐厅o既分别。亲自将酱汁淋在铁板上，作为ribeye steak，佢食起o黎肉质松软juicy，配上medium rare，口感更佳。冰岛比目鱼大虎虾同样值得推介，虎虾大只肉地，比目鱼经过油炸，鱼皮非常脆口，里面o既鱼肉依然嫩滑，并且无细骨、一d 都唔腥，本身比较少食熟鱼o既我都觉得很美味。饮品可以拣红豆冰、黑牛、雪糕柯华田等等，一昧经典o既港式情怀。最后当然唔少得旧式扒房必配o既雪糕，餐厅用上o既系雪米糍，风味依然。