Oliver's Super Sandwiches (已結業)

唔知几时开始早餐时段多咗张枱卖早餐，但一直都无留意佢卖D咩，直至上星期先留意到佢原来有热狗卖，而且条热狗肠睇落好大条，仲有D酸瓜酱好似好好味，经过几日我都眼望望心思恩都无行动，今日既然谂唔到食咩早餐，就拣个美式街头早餐啦! (睇戏D桥段主角成日都系喺街边买个热狗做早餐!)买到返公司个卖相已经唔系好靓，个包焗到外层有D脆脆地，入面仲好软熟，条肠D肉都几实，唔系普通罐头嘢，D酸瓜酱唔会太酸抢晒D味，不过唔钟意一早落好晒D茄汁芥辣，如果俾两包酱分开自己落会好好多。12蚊唔算好抵，合理喇。