The Stadium (已結業)

以美式运动作主题既The Stadium 西餐厅，环景宽敞，音乐同装修都好有气氛.入面设置桌球枱同飞镖机，仲有足球机，玩得又食得。美食方面，美式餐厅嘅各种食物都齐。我哋拣咗安格斯牛肉汉堡同埋Pizza share安格斯牛肉汉堡 Lunch set包括餐汤饮品沙律同薯条。薯条新鲜炸起热辣辣脆卜卜。盐落得啱啱好。餐汤一啲都唔马乎，系南瓜打出黎既浓汤。  汉堡层次丰富，好大个好吸引，一个人食唔晒。入面有洋葱，磨菇，番茄同埋好多生菜，令到整体口感清新。食材用料都相当好新鲜。蕃茄同各款菜都好新鲜同爽口。一路影相嘅时候汉堡上面嘅肉汁不停滴落黎。特厚牛汉堡扒外面焦香，保留住肉汁，肉质松软，煎得啱啱好。 夏威夷火腿薄饼 蕃茄酱做底，pizza系薄底，焗到外围脆脆。上面铺满火腿，洋葱，菠萝同埋两种芝士。芝士可以拉丝。  两个饮食到非常之饱。整体来讲环境好舒服，食物多选择新鲜热辣好大份好满足。