影片
更多
2016-09-12
469 浏览
香港依家仲有好多工厂区，荔枝角算喺其中一个较大规模嘅工厂区，想当年，小弟都晌依区做过唔少暑期工架。众所周知，依家嚟工厂区，已经成为揾好嘢食嘅地方。最近，所认识嘅餐厅店主晌亿利工业中心开咗间姊妹店，同样卖美式美食，所以，趁周六走过嚟捧捧场，支持吓。厂厦嘅租金相对旺区、地铺平一大截，所以，一走进餐厅嘅感觉就喺地方宽敞、环境阔落，加上楼底高，予人空间感十足。餐厅带点美国风嘅装潢，一室以木系为主，再拼一边白色仿砖墙，配以别致嘅挂灯，整体感觉柔和自然。对比起佢天后旧店，真喺天渊之别，不过，晌厂度搞饮食都唔喺必赢，都要考虑有无足够人流。食物选择方面，定位为姊妹店，故既有旧店嘅招牌汉堡，又有多种特色大盘，此外，从新店名字嘅推敲，咖啡亦可能会喺店中嘅主打。概括而言，店中食物嘅选择有好多，前菜、小食、沙律、餐汤、特别推介、汉堡、意粉、饭类、甜品、奶昔……等等。传统美式丰富早餐 $108其实依家周围都食到全日早餐，普遍到差唔多逢喺咖啡室都有卖，而且，要做亦唔难，好坏分野好多时取决于用料。眼前嘅全日早餐，观测所见，大烤菇取代一般杂菌，烟肉大片而极少脂肪，猪肉肠都唔似普通货色，入口皮脆多汁，真喺用料不赖，仲有
厂厦嘅租金相对旺区、地铺平一大截，所以，一走进餐厅嘅感觉就喺地方宽敞、环境阔落，加上楼底高，予人空间感十足。餐厅带点美国风嘅装潢，一室以木系为主，再拼一边白色仿砖墙，配以别致嘅挂灯，整体感觉柔和自然。对比起佢天后旧店，真喺天渊之别，不过，晌厂度搞饮食都唔喺必赢，都要考虑有无足够人流。
食物选择方面，定位为姊妹店，故既有旧店嘅招牌汉堡，又有多种特色大盘，此外，从新店名字嘅推敲，咖啡亦可能会喺店中嘅主打。概括而言，店中食物嘅选择有好多，前菜、小食、沙律、餐汤、特别推介、汉堡、意粉、饭类、甜品、奶昔……等等。
传统美式丰富早餐 $108其实依家周围都食到全日早餐，普遍到差唔多逢喺咖啡室都有卖，而且，要做亦唔难，好坏分野好多时取决于用料。眼前嘅全日早餐，观测所见，大烤菇取代一般杂菌，烟肉大片而极少脂肪，猪肉肠都唔似普通货色，入口皮脆多汁，真喺用料不赖，仲有其他细节位，如多士都喺搽足牛油先烘，所以，咬落香脆之余，甚富牛油香味；至于睇唔出、又未切食到分别嘅，就仲有店员所讲沙律菜采用有机货色，鸡蛋嚟自美国，但如果鸡蛋可以俾啲客选太阳蛋或炒滑蛋就更好喇。
德州烧烤汉堡 $108汉堡喺佢哋嘅招牌，当然要再试吓，睇睇同天后店有无分别，德州烧烤汉堡更喺当中嘅店家嘅重点推介，而每份汉堡已配有薯条同酸瓜。佢哋啲汉堡超巨型，中间嚿牛肉真喺足成吋厚，横切开，拿上手一比，清晰可见。店员话佢哋依足传统制作，以生菜垫底，加入车打芝士、脆烟肉、炸洋葱圈，配上自家秘制墨西哥青椒烧烤酱，衬上松软嘅面包，所以，入口真喺好有层次，味道丰富，尤其件汉堡扒，既浓肉香，又富肉汁，不过，要挑剔就肯定喺制作时未够严谨，啲馅料东歪西扯。
个传统美式丰富早餐包一杯指定饮品，不过，几款指定饮品老婆都唔太啱，所以，从饮品餐牌中揾到更心水嘅朱古力。而饮品方面，有一系列嘅咖啡、热茶、果汁、梳打、啤酒……等等！
Hazelnut Chocolate $44老婆都一样喺朱古力嘅粉丝，所以，点一杯榛子朱古力，拉花极之靓，却又唔喺得个样，朱古力味好浓郁，同时渗出榛子香味，用奶泡代替一般花奶，口感自然更柔滑。
Caffe Latte $30哈哈，小弟都喺惯性，拣番鲜奶咖啡，其实卖相做得唔错，拉花花纹好细致，但喺，入口嘅口感差啲啲，唔够一致性，第一口饮落喺会有种唔够均匀嘅感觉，觉得又喺奶泡撞落浓缩咖啡时嘅手势问题，小弟都学过吓拉花，明白依一样嘢真喺易学难精。
无论个全日早餐定个招牌汉堡，都食得出佢哋用料精，加上环境舒适，又唔收加一，真喺星期六嚟食个早午餐确喺几爽。不过，星期日却喺休息日，咪撞上嚟，只会摸门钉！
题外话/补充资料：
人均消费喺以正价计，等大家有个参考，食物喺店主请，饮品喺自费！
(以上食记乃用户个人意见 , 并不代表OpenRice之观点。)
张贴
