八月花 (V City)

营业中

休息中

今日入屯門約朋友飲茶，每次飲茶必去佢嘅飯堂～八月花，一坐低急不及待點了幾個點心！叫了碟蔥油菠蘿海蜇頭～師傅簡單調味再加上麻油撈勻醃製，入晒味超香，兼且爽脆無比，好正😋沙拉煎墨魚餅～加入少許馬蹄粒，打至起膠，食落除咗有少許爽口亦都非常之彈牙，配上一小碟沙拉醬，可隨自己口味點上，好味到食完一件再想食一件。叉燒腸粉～簿簿的腸粉皮，爽滑得來帶少許煙韌，包住大大片叉燒，實在滿足！冬菇雞肉餃子～雞肉、冬菇加咗爽脆木耳，成只餃子口感層次豐富，淋上少許甜醋同吃，好正👍柚皮蒸鳳爪～鳳爪同柚皮都吸收咗秘製醬汁非常之入味！壓軸出場海鮮炒貴刁～食咗一半先記得影相，下次嚟一定要再encore，蝦同帶子都各有四隻，大蝦超大隻而且非常之爽口彈牙，帶子就很鮮甜，加入雞蛋、芽菜、韭菜、豉油炒至乾身，完全沒有油膩感，極速清碟😋叉燒包～外皮鬆軟咬落有爆漿的感覺，超多汁同叉燒，只可惜一籠得兩隻，唔夠分唯有一人一半分享！香煎素腐皮卷～雖然外皮非常香脆，略嫌餡料比較油膩，一般般。