八月花 (V City)

营业中

休息中

今日入屯门约朋友饮茶，每次饮茶必去佢嘅饭堂～八月花，一坐低急不及待点了几个点心！叫了碟葱油菠萝海蜇头～师傅简单调味再加上麻油捞匀腌制，入晒味超香，兼且爽脆无比，好正😋沙拉煎墨鱼饼～加入少许马蹄粒，打至起胶，食落除咗有少许爽口亦都非常之弹牙，配上一小碟沙拉酱，可随自己口味点上，好味到食完一件再想食一件。叉烧肠粉～簿簿的肠粉皮，爽滑得来带少许烟韧，包住大大片叉烧，实在满足！冬菇鸡肉饺子～鸡肉、冬菇加咗爽脆木耳，成只饺子口感层次丰富，淋上少许甜醋同吃，好正👍柚皮蒸凤爪～凤爪同柚皮都吸收咗秘制酱汁非常之入味！压轴出场海鲜炒贵刁～食咗一半先记得影相，下次嚟一定要再encore，虾同带子都各有四只，大虾超大只而且非常之爽口弹牙，带子就很鲜甜，加入鸡蛋、芽菜、韭菜、豉油炒至干身，完全没有油腻感，极速清碟😋叉烧包～外皮松软咬落有爆浆的感觉，超多汁同叉烧，只可惜一笼得两只，唔够分唯有一人一半分享！香煎素腐皮卷～虽然外皮非常香脆，略嫌馅料比较油腻，一般般。